Shillong, Nohprah:
Ka Sikkim Manipal University, kaba long ka skulbah kaba la ïoh ïa ka NAAC A+ bad kaba la ai jingshakri ha ka pule-puthi mynta la palat 28 snem, mynta ka la pynmih sa ïa ki ar tylli ki jingpule Undergraduate bad san tylli ki jingpule Postgraduate kiba lah ban leh Online. Ki jingpule Online jong ka SMU ki dei kiba la ithuh da ka UGC bad kiba ïaryngkat ruh bad ki jinghikai kiba ki samla pule ki ïoh haba ki pule ha ki jaka pule. Ïa kine ki 7 tylli ki program lyngba ka Online la pyllait ha ka http://www.onlinemanipal.com and https://smu.onlinemanipal.com/.
Ki jingpule Undergraduate ba la pyllait da ka SMU lyngba ka Online ki kynthup ïa ka Bachelor of Arts (BA) ha kaba ki Subjek ki long ka English, Political Science & Sociology bad ka Bachelor of Commerce (BCom). Ka skulbah ka la pyllait ruh ïa ki san tylli ki jingpule Postgraduate ba kynthup ïa ka: Master of Arts ha ka English, Political Science, Sociology, Commerce, bad Master of Computer Applications. Ki jingpule Online ki long ki bym don jingteh, kiba pyllait ruh ïa ki samla na ka jinghap ban leit sha jaka pule bad ailad ïa kito ki samla pule ba kin ïoh ban pule ïa ki kot ki sla ha kano kano ka por ba ha kano kano ka jaka ba ki don. Kane ka jingpule ka long kaba ïaryngkat bad ki jingpule ha kiba ki samla ki leit shah hikai ha ki jaka pule, kumta kine ki jingpule lyngba ka Online ki long ki jingpule ba jied bha da kito kiba la trei, kito kiba dang sdang ban pule, kiba treikam lajong, bad kito kiba kwah ban bteng biang ïa ka kam jong ki. U Dr. Dilip Chandra Agarwal, VSM (Vishisht Seva Medal recipient), uba long u Air Vice-Marshal ba la shongthait bad U Vice-Chancellor of Sikkim Manipal University, u ong, “Da ka jingpynthymmai ïa ka jingtrei jong ngi na ka bynta ban pynlong ïa kine ki jingpule kiba biang na ka bynta ki samla pule ban nang kiew ha ki kam ki jam jong ki, ka SMU ka sngewtynnad ba kan lah ban leh ïa kine lyngba ka Online bad ïarap ïa kito kiba pule na kylleng ki jaka ba ki bynta bapher bapher.”
