Shillong, Nohprah:
Hynriew ngut ki ophisar bad 9 ngut ki nongtrei ka tnad Meghalaya Civil Defence & Home Guards Organization (MCD&HGO) ki la ïoh pdiang ïa ka ‘Commendation Disc’ bad ka syrnot na ka shlem treikam Director General Civil Defence, jong ka tnad Home Office, New Delhi ha ka janmiet shuwa ban rakhe ïa ka ‘Raising Day’ kaba 61 jong ka tnad Civil Defence & Home Guards.
U M.K. Sangma, Joint Director ka tnad Civil Defence, Meghalaya, Bah R.P. Khongwar, Joint Commandant General ka tnad Home Guards, Meghalaya, Bah B. Mukhim, Senior Staff Officer, Directorate ka tnad Civil Defence & Home Guards, Meghalaya bad Kong B. Kharkongor, Commandant, Central Training Institute, CD & HG ki la ïoh pdiang ïa ka DGCD, MHA, New Delhi, Gold Disc.
U Bah P.H. Shylla, Divisional Commandant of Home Guards, Shillong bad Bah G. Kharumnuid, Junior Staff Officer, Directorate ka tnad Civil Defence & Home Guards, Meghalaya ki la ïoh pdiang ïa ka DGCD, MHA, New Delhi, Silver Disc.
Ki khyndai ngut kiwei pat kiba dei nongtrei katei tnad kumjuh kiba phong ‘uniform’ ki la ïoh pdiang ïa ka DGCD, MHA, New Delhi, Bronze Disc.
Baroh ki don 225 tylli ki ‘Commendation Disc’ bad syrnot kiba la aiti da ka tnad Home Affairs ha ka janmiet shuwa ban pynlong ïa ka ‘Raising Day’ kaba 61 jong ka tnad Civil Defence & Home Guards. Kane ka long katkum ka kyrwoh na u Divisional Commandant of Home Guards, Shillong, PRO, Directorate of Civil Defence & Home Guards, Meghalaya, Shillong, Bah P.H. Shylla.
