Los Angeles:
Ka Nongrwai Dua Lipa kala pyndkut noh ia ka jing iadei bad u Romain Gavras ha kaba knae ka nongrwai kaba la iaiaid bad u Romain la kumba katto katne bnai mynta lyngba ka Social Media ka la iathuh ba kam shim don jingiadei shuh bad utei u nongshna phlim ka France.
Ka Dua kam shim la iathuh na kano ka daw ba ka la pyndkut noh ia kane ka jingiadei jong ka hynrei ka la shu pynpaw ba ka jingbunkam ka dei kawei na ki daw kaba la khanglad ia ka ban don jingiadei bad u. U Romain u dei uwei na ki nongshna phlim ba paw jong ka France bad ula don bynta ruh ban shna ia ka Athena kaba la mih ha u 2022.
Ka Dua bad u Romain ki la wan shim bynta khatduh eh sha Cannes Red Carpet bad u Romain u dei u khun jong uwei na ki Greek French Director Costa Gavras. Ka Dua wat hadien ka jingpynbna ba ka la pyndkut ia ka jingiadei bad utei u nongshna phlim ka la ai ka jingkitbok na ka bynta jong u ha kaei kaei kaba u leh ne trei ha ka jingim jong u.
Kane ka nongrwai ha shwa ba kan don jingiadei bad u Romain kala iaiaid ruh bad u Anwar Hadid hynrei kane ka jingiadei kam shim la neh slem.
