Los Angeles:
U Bruce Dickinson uba long u nongrwai khmat ka kynhun Iron Maiden ula kren halor ka jing angnud jong kiba bun ki nongpeitkai ban iohi biang ia kane ka kynhun ha ka Power Trip Festival ha kaba hadien bun bun snem kane ka kynhun kan sa iohlad biang ban mih pyrthei.
Ka Power Trip festival ka dei ka tamasa kaba shongshit bha bad kaba la shim bynta ruh da kiba bun ki kynhun rwai. Ha kane ka tamasa mynta u snem bun ki nongrwai ki la ioh ban shim bynta bad wat ka Iron Maiden ruh ka la wan rwai ha kane ka tamasa ban pynbna ia ka thup thymmai jong ka.
Ha kajuh ka por ha u snem ban wan kane ka kynhun kan sa shim bynta biang ha kane ka tamasa bad kumba long mynta u snem ia kane ka tamasa la rai ban pynlong biang ha u bnai Risaw.
Shuh shuh ka khubor ba la ioh ka iathuh ba kane ka kynhun rwai ha u snem thymmai nalor ka Power Trip kan sa shim bynta ruh ha kiwei kiwei ki tamasa ki ban long ha kylleng ki bynta jong ki ri ka pyrthei ha kaba kawei kan dei ka ban long ha South America.
Ha ka Power Trip kaba dang shu dep ban long la shim bynta ruh da ka GUNS N’ ROSES, AC/DC, JUDAS PRIEST, TOOL bad METALLICA.
