Shillong, Nohprah 07
Ka ïingbishar jong u Special Judge (POCSO) Nongstoiñ, West Khasi Hills ka la rai pynrem ïa u Tephor Wardkhar bad hukum ban set patok haduh 10 snem kynthih nalor kaba daiñ kuna T.30 hajar.
Kane ka jingrai pynrem ka long hadien ba la pynshong nongrim na ki sakhi sabut ba la ïoh ha ka jingtohkit bad yn pynshitom hapoh ka Section 6 jong ka POCSO Act.
Ha ka kyrwoh ba la phah da u Superintendent of Police (SP) ka Eastern West Khasi Hills sha ki lad pathai khubor ha ka Sngi Palei, la pyntip ba ki pulit ki la ïoh pdiang ïa ka ejahar ha ka 18 tarik Rymphang, 2017 ba iwei i heprit i la shah leh be-ijot ha u Tephor Wardkhar.
Ki pulit ki la register case pyrshah ïa u nongleh kam bymman ha thanat Mairang hapoh ka Section 5(n)/6 POCSO Act bad ïa ka jingtohkit la bynshet ha ka WPSI RR Marak jong ka thanat Mairang bad ïa ka case la pynngat kyndon da ka Investigating Officer hapoh ka Section 5(n)/6 POCSO Act.
Ka ïingbishar u Special Judge (POCSO) Nongstoiñ, West Khasi Hills ka la pynmih ïa ka rai ba la pynrem ïa u Tephor Wardkhar ha ka 30 tarik u bnai ba la dep.
