Los Angeles:
Uwei na ki nongrwai Latin ba paw pyrthei bha u Daddy Yankee u la iehnoh syndon ia kam ba u trei kum u nongrwai ha kaba kane ka long hadien ba u la rai ban im noh da kawei pat ka jingim bad ban bud ia u Jisu.
U Daddy Yankee uba la paw na ka bynta ka jingrwai ‘Gasolina’ bad uba la shah sin ruh kum u ‘King of Reggaeton’ naduh u snem ba la leit u la dep ban iathuh halor ka jingthmu jong u ban iehnoh syndon ia ka kam rwai bad um shim la pynpaw pat na kano ka daw.
Hynrei mynta une u nongrwai u la mih sha khmat ban kren shaphang kane da kaba ong ba ka por ka la dei ia u ba un hap ban thaw thymmai bad ban pynkhreh noh ia la ka jong ka jingim bad ban bud noh ia u Jisu.
Ha kawei na ki jingwan shim bynta u Daddy Yankee ula kren ha khmat jong kiba bun ki nongwan peitkai da kaba ong ba um lehrain shuh ban kren shaphang u Jisu bad kumno ba u la pynkylla bad pynlong ia u, u jingthaw thymmai.
Une u nongrwai uba la don 46 snem u sngewkmen ba ula ithuh ia u Jisu bad ban iaid ha ka lynti jong ka mon jong u bad kumjuh ruh ban pyndonburom bad ban ainguh ruh ia u halor shibun ki kam ba u la leh ha ka jingim jong u bad sngew ba ka mynsiem jong u ka dap tang da ka jingkmen ha kine ki por ba mynta.
