Shillong Nohprah 08
U nongïalam ka National People’s Party (NPP) u James PK Sangma u la ong ba kum ka MP na Tura, ka Agatha K Sangma ka la trei bha bad bun ki mat kiba ka la shim kynthup ruh ka mat kaba ïadei bad ka ktien Khasi bad Garo kaba dei ha Ïingdorbar Parliament.
U la ong ruh ba ka MP na Tura ka la ïalam ruh ïa ka kynhun na Rilum Garo ha ka por ba ka ktien Garo ka khlem shah kynthup ha ka thup jong ki ktien kiba dei ban ïoh jingithuh.
U James u la kam ba ka NPP ka la kham shakhmat ban ïalap hadien ba la pynbna ïa baroh arngut ki kyrtong wat lada ka jingïalap kam pat poi sha kaba shongshit.
Halor ka jingkynthoh u President ka BJP u Rikman Momin, ba ka MP ka khlem lah ban pyni kam kynthup ka jingpyntreikam ïa ki skhim ba wan na ka Sorkar Pdeng, u James u la ong ba kita kiba ong kumta ki kren khlem da ïoh jingtip bha.
