Jowai, Nohprah 08
Ki pulit na ka tnad ANTF lyngba ki artylli ki jingkhynra ba la pynlong ha ka miet Sngi Palei ki la ïoh ban kurup ïa u drok ‘heroin’ uba don palat 28 gm bad kem ruh ïa ki 2 ngut ki suba nongdie drok.
Kine ki 2 ngut kiba la shah kem ki long u Chwamiki Lyngdoh (32 snem ka rta) uba na ka shnong Chutwakhu, Jowai bad u Exeuben Lavie Kympat (24 snem ka rta) uba dei na Moosalyngkat, Jowai.
Ki pulit ki la kurup ruh ïa ka kali kaba ki pyndonkam kaba don ïa u nombor ML-04-A-6941.
Ha ka jingtalasi, ki pulit ki la ïoh ban kurup ïa u drok heroin uba don ka jingkhia kaba 4.5 gram, 237 tylli ki dawai kuli ‘nitrozepam tablet’ bad 45 tylli ki thyrnia injek nalor ka pisa T.17,090.
Hadien kane, na ka liang ki pulit ki la bteng ban pynlong ka jingkhynra ïa ka ïingsah jong u Chwamiki Lyngdoh ha kaba ki la ïoh ban kurup sa 24.47gram u ‘heroin’. Halor kane ka jingjia na ka liang ki pulit ki la ujor mukotduma pyrshah ïa kitei 2 ngut.
