Shillong, Nohprah:
Kum shi bynta ban pyntreikam kumba la dep ban ïakren, u Chairperson, Shri Siddhartha Mohanty jong ka Life Insurance Corporation of India u la wanrah da ka jingthmu pyntreikam kaba thymmai ka LIC’s Jeevan Utsav kaba la treikam naduh ka 29 tarik, Naiwieng, 2023. Ka LIC’s Jeevan Utsav ka kynthup ha ka Individual, Savings, Whole Life Insurance. Kane ka jingpyntreikam ka long na ka bynta kito kiba la don ha ka rta kaba 90 sngi haduh 65 snem.
Kane ka ai jingmyntoi bad jingkyrshan shirta jingim. Ka jingsiew kaba rit eh na ka bynta kane ka dei 5 snem bad kaba bun eh ka long 16 snem. Ïa kane ka jingthmu pyntreikam lah ban leh da ka Offline lyngba ki nongïarap kiba la don ïa ki License, ki Corporate agent, ki briew ba la shahjied kyrpang kum ki nongïarap, ki Insurance Marketing Firms bad kumjuh da kaba leh Online beit beit lyngba ka website www.licindia.in
