Shillong, Nohprah 10
Ka Myntri Sorkar kaba dei ruh ka kyrtong ka National People’s Party (NPP) na Shillong Parliamentary konstitwensi ha ka ilekshon MP Lok Sabha ka ban sa long ha u snem ban wan kan sa pyllait paidbah ïa ka jingïalap ilekshon ha u Kyllalyngkot 2024.
Ka la ong ba kan nym pat pynpaw eiei mynta kumno kan leh bad ki mat kiba kumno kan shim na ka liang jong ka bad ka seng, hynrei ka la pynkhreh ban pyllait paidbah la kumno-kumno ha u Kyllalyngkot.
“Ki don shibun kiei-kiei kiba ngi dei ban ïathuh bad pynshai sha ki paidbah khamtam ban weng na ka jingmut jingpyrkhat jong ki ïa ka jingshah pynsngewthuh bakla,” la ong ka Kong Ampareen.
Ka la ong ba ki seng saiñ pyrthei ne ki kyrtong ki don la ki jong ki mat bad ki nongrim ban ïathuh sha ki paidbah bad kam long kaba dei ba ki paidbah kin shah ïalam bakla.
Ka Kong Ampareen ka la shahjied kum ka kyrtong jong ka NPP na Shillong bad ka MP ba mynta na Tura ka Agatha K Sangma ka la shahjied biang kum ka kyrtong na ka bynta kane ka ilekshon ban wan na Tura parliamentary konstitwensi.
