Shillong, Nohprah:
Ka Indeed, kaba long ka shnat treikam na ka bynta ban thung kam thung jam, ha ka kaiphod jong ka, ka la pyni ba ka jingwad kam jong ki “Nurse” na India ban trei sha bar ri ka la kiew da kumba 38% ha kine ki lai snem ba la dep, naduh u bnai Risaw 2020 haduh 2023. Kane ka pyni ia ka jingkiew sted jong ki briew kiba don ka man ban trei ïa ka kam Nurse sha bar ri.
Ka McKinsey Frontline Workforce Survey ka la pyni ïa ka jingtrei ba radbah jong ki Nurse ha ka liang ka koit ka khiah, hynrei ka jingshong thait kloi, ka jingduna kiba wan rung kam thymmai, bad ka jingkynriah ha ka kam ka la wanrah ïa ka jingduna jong ki Nurse ha ka pyrthei, ka jingduna jong kine ki riewdonsap, kaba la nangjur namar ka jinglynshop ka khlam- kaba la pynlong ïa ki ba kin hap ban trei khlem shongthait, ka jinghap ban trei bun kynta namar ka jingduna jong ki nongtrei. Bun na ki Nurse ki la leit ban trei noh da kiwei ki kam ha ka jaka ba kin trei ha ki Hospital.
Ka jingsngewkwah jong ki Nurse na India ban trei sha bar ka la nang kiew kat ba nang mih ki snem, ha kaba ka la don ka jingkeiw kaba 4% naduh ka snem 2020-21, 9% naduh ka snem 2021-22, bad 22% ka jingkiew naduh ka snem 2022-23.
U Sashi Kumar, u khliehduh jong ka Sales ha Indeed India, u la pynpaw da kaba ong, “Da kaba shim kabu na kine ki lad ki lynti, ki Nurse ym tang ba kin lah ban pynduna ïa ka jingdon jong ki hynrei kan kyntiew ruh ïa ka lynti jong ka jingtreikam jong ki. “
Ki bun ki jylla kiba ju pynlong ïa ki rynsan ban kdew lynti ban thep kam thep jam ban khring ïa ki Nurse, bad tyrwa sha ki ïa ki kabu ba ki lah ban ïoh haba treikam sh bar.
Ki Nurse ha India ki ïoh ka jingsiew kaba long kumba 2.6 lak shi snem, bad ki ri kum ka Germany ka la ïatreilang ban pynshlur ïa ki ba pule shabar. Ka US, UK, Canada, bad Japan ka la khot sngewbha ïa ki Nurse na India.
