Khliehriat, Nohprah:
Ka Jaiñtia National Council (JNC) ha ka 9 tarik Nohprah ka la pynthymmai ïa ki nongkitkam jong ka JNC Wapung Circle na bynta ka samoi treikam jong u snem 2023-2026.
Ïa ki nongkitkam bathymmai la pynskhem da u nongïalam ka seng, u Bah Sambormi Lyngdoh ha ka jingïalang kaba la pynïaid da u Allmiky Ryngkhlem, in-charge ka Wapung Circle bad la ïoh ïa ki kyntien pdiang burom na u Mebanteilang Sukhlaiñ, Publicity & Information Secretary CEC.
Ïa ki kyntien kyntu kynpham la ïoh na u Vice-President, CEC, u Nangjan Dkhar, General Secretary ka JNC-CEC, Wanshwa Suting kiba kitbok kitrwiang ïa ki nongkitkam ba kin trei shitom ha ka ban shakri ïa ka Ri bad ka Jaidbynriew.
U nongïalam rangbah, Bah Sambormi Lyngdoh u la ong ba ka shnong Wapung ka dei kawei na ki shnong kaba ju pynmih ïa ki nongïalam bad ‘riewshlur na ka bynta ka ïap ka im jong ka thaiñ.
Katto-katne ki nongkitkam kiba hakhmat jong ka Wapung Circle ki long u President-Kynmaw Phawa, Vice President-Dister Dkhar, General Secretary-Ebormi Dkhar, Asst. Secretary-Rakes Dkhar, Education Secretary-Shlurmi Dkhar nalor kiwei-kiwei.
