Shillong, Nohprah:
Ka Dorbar Shnong Lawmali Pyllun kan pynlong ïa ka jingpynkhuid shnong ha ka 16 tarik, Nohprah, 2023 bad ka por kan sdang naduh ka 8 baje mynstep ter ter haduh ban da dep pynkhuid lut. Ha kaba ïadei bad kane, ka Dorbar Shnong ka la kyrpad ïa ki paidbah kiba thmu ban leit bad wan da ki kali hapoh ka shnong Lawmali ban ïaishah shipor bad ka Durbar tad haduh ban da dep ka jingpynkhuid shnong.
Ha kajuh ka por, ka Dorbar Shnong Lawmali Pyllun ka pyntip ruh ba ka General Meeting kaba la long ha ka 18 tarik, Naiwieng, 2023 ha ka por 9 baje mynstep ha ka Community Hall ka la jied ïa kine ki nongkitkam shnong na ka bynta ka snem 2023-2026. Ki nongkitkam kiba la shahjied thymmai ki kynthup ïa u Rangbah Shnong, Bah B. Khongwir, Assistant Rangbah Shnong, Bah G. Shullai bad Bah H A Lyngdoh, Gereral Secretary, Bah C Toi, Assistant Secretary, Bah P Nengnong bad Treasurer Bah PJ Jywa. Nalor kine la jied ruh ïa ki Rangbah dong jong ki 5 tylli ki Block, ki Executive Member kiba kynthup ïa ki Secretary bad Assistant Secretary jong ka Organising bad Publicity jong ka Durbar shnong.
