Shillong, Nohprah 13
Ka Monolith Festival kaba dei ka tamasa ban pyni ïa ka lariti ba bun byllai u Khasi yn pynlong ha u snem ban wan kata ha Rymphang 2024. Ïa kane ka tamasa yn pynlong lai sngi lynter ha Khasi Heritage Village kaba don ha Mawphlang.
Ïa kane la pynbna da u Chief Executive Member (CEM) ka Khasi Hills Autonomous District Council (KHADC) hadien ba la mynjur ka Executive Committee ïa ki sngi ban pynlong ïa kane ka tamasa.
U Bah Pynïaid u la ong ba ïa kane ka tamasa la kyrshan da ka Sorkar Jylla lyngba ka tnat jngohkai kaba yn pynlong da ka KHADC.
Ha ka jingshisha, ka KHADC ka la thmu ban pynlong ïa ka Monolith Festival ha une u Nohprah hynrei u Bah Pynïaid u la ong ba namar ka jingdon bun ki kam kiba la dep pynbeit lypa ha kine ki ar bnai khamtam ka Meghalaya Games bad kiwei kiwei, la hap ban rah shaduh u Rymphang, 2024.
