Shillong, Nohprah 13
Ki pulit jong ka Mawryngkneng ha ka miet jong ka Sngi Ba-ar ki la ïoh ban kurup noh palat spah liter ka kyiad pyrsi bad ban kem ruh ïa 3 ngut ki briew kiba la donkti ban kit kyiad.
Ka jingïoh kurup jong ki pulit ïa kane ka kyiad pyrsi ka la long ha ka por ba ki la pynlong ka jingtalasi kali ha lad Mawryngkneng bad ïa kane ka kyiad la lap na kawei ka kali Alto kaba don ïa u number ML11-1605.
Ha kane ka jingtalasi, ki pulit ki la lap haduh 12 tylli klong kiba lah ban rung haduh 20 liter bad ka kyiad baroh kaba la ïoh kurup ka la long haduh 240 liter. Ha kaba ïadei bad kane, na ka liang jong ki pulit ki la register case halor kane ka jingjia hapoh ka Meghalaya Excise Act.
