Shillong, Nohprah:
Ka Dorbar Shnong Qualapatty ryngkat bad ka Qualapatty Sports Social And Cultural Club ka la rai ban pynlong ïa ka jingpynkhuid shnong ha ka 16 tarik, Nohprah, 2023 ka ban sdang naduh ka por 8 baje mynstep.
Kumta la kyrpad ïa baroh ki nongshong shnong ban ïamih ryntih kumjuh ruh ïa ki dukan kiba don hapoh u pud jong ka Dorbar Shnong Qualapatty ba dei ban khang ha katei ka sngi ban ïashim bynta lang ha ka jingpynkhuid shnong naduh ka por 8 baje mynstep.
Yn ym shah ïa ki kali kiba nabar shnong ba kin rung hapoh ka shnong ha katei ka sngi kat bym pat dep ka jingpynkhuid shnong. Namar kata, la kyrpad ïa ki nongshong shnong bad ki nongñiah kali ban ïai shah halor kane ka kam.
