Shillong, Nohprah 15
Ki BSF ha ka Sngi Palei ki la ïoh ban kurup ïa ki ïitkhmat ba shongdor palat T. 50 lak bad ïa kiba la thmu ban shalan be-aiñ sha Bangladesh.
Ïa kine ki ïitkhmat la kurup na kawei ka jaka khappud ha East Khasi Hills. Ka jingïoh kurup ïa kine ki ïitkhmat ka long hadien ba ki BSF ki la ïohi ïa kawei ka kali kaba la kit mar bad kaba la ïeng ha ka surok ba khim kaba mih sha jaka khappud. Hadien ba la peit bniah ïa ka kali, la shem ba ka la don ïa ki mar ki mata bad la suba jur ba ki dei kiba la thmu ban pynpoi sha Bangladesh.
Ki BSF ki la kem noh ïa u nongñiah bad u nongbud jong ka kali namar ki khlem lah ban ai ïa ki jubab kiba biang bad ha kajuh ka por, ki khlem don satia ki kot ki sla kiba ïadei bad ka mar kaba ki la kit.
Ïa kine kiba la shah kem ha ryngkat ki ïitkhmat ba la kurup la aiti noh sha ki pulit ka thanat Dangar.
