Los Angeles:
Ka kynhun rwai Slipknot ka la pynbna ia ka 25th Anniversary Tour ha kaba kane kan long ha u snem ban wan bad yn sdang ia kane na Europe bad yn pynkut pat ha UK ha u Nohprah.
U Corey Taylor lem bad ki dkhot jong kane ka kynhun ki la pynpaw ba ka long kaei kaei kaba la pynheh mynsiem ia ki ban ioh leit rwai kylleng ha u snem ban wan bad kane ka jingleit rwai kan sdang shwa na Amsterdam’s Ziggo Dome bad kan kut pat ha London’s The O2.
Hadien 25 snem ki dkhot ka Slipknot kin sa iohlad ban mih pyrthei ban leit rwai kylleng sha kiwei pat ki dewbah bad kyrmen ba kane ka jingleit rwai kan long kaba seisoh. Ha kaba iadei bad kane ka jingleit rwai ka Slipknot yn synran lang da ka kynhun Bleed From Within.
Ka Slipknot ka dei kawei na ki kynhun rwai Metal ba paw bha naduh ki por bad snem ba la leit bad ryng kat bad kiwei kiwei ki kynhun rwai ka Slipknot ka la iohlad ruh ban leit rwai sha kylleng ki rynsan jong ki ri ka pyrthei.
Kane ka kynhun ka la ai mynsiem ruh ia kiwei kiwei ki kynhun rwai ba dang shu mih bad ka la iohpdiang khusnam ha kaba iadei bad ka jingiaid bha jong ki katto katne ki thup jingrwai jong ka.
Ka Slipknot nalor jong katei ka Anniversary Tour kna sa shim bynta ruh ha ki katto katne ki tamasa ki ban long ha u snem ban wan.
