Shillong, Nohprah:
Ka Vedantu ka thmu ban plie sa kumba palat 30 tylli ki jaka ai jinghikai offline ha kylleng ka ri India na ka bynta ki eksamin jong ka JEE, NEET bad ka Foundation course, hadien ba ka la lah ban pyniar ïa ka jing shakri ïa ka jinghikai lyngba ki kor ki bor ka juk mynta ne EdTech. Da kaba buh lang ïa ka jinghikai online bad offline, ka jingthmu ka long ban nang kyntiew shuh shuh ïa ka rukom ai jinghikai ba paka, da kaba pyntikna ruh ba ki khynnah kin long kiba la pynkhreh na ka bynta ka jingïakhun ïa ka eksamin JEE/NEET da kaba ki ïoh ïa ka jingbtin lynti na ki nonghikai batbit ka India.
Ka Vedantu, lyngba ki nongseng ïa kane ka jingai jinghikai kaba la 18 snem, ka la lah ban wanrah ka jingkylla ha ka rukom ai jinghikai kaba phai khmat bad shim khia bha ïa ki khynnah pule. Ka Vedantu ka pyrshang ban wanrah ïa ki rukom ai jinghikai ki ban ïahap ïa ka jingdonkam jong man la iwei pa iwei i khynnah pule bad la ai ruh ïa kajuh ka jingkyrshan bad jingïarap na ka bynta iwei pa iwei khnang ba kin lah ban sei lut baroh ki jingstad bad jingtbit jong ki. Ka Vedantu ka la long kaba la pynkhreh ban wanrah ka jingkylla wat ïa ki kam klass bad pynlong ïa ki kum ki kamra kiba biang nadong shadong kum ki kor ki bor ka juk teknologi ba mynta, khnang ba ki khynnah kin lah ban ïoh ïa ka jingïaphylliew jingmut bad wanrah ruh ïa ka jingïashim bynta jong baroh ki khynnah. Kane ka jaka ai jinghikai kaba ïahap bad ki khynnah ka ïarap ïa ki ba ki lah ban wad ïa ki jingtip baroh 24 kynta ha baroh 7 sngi, ba kin lah ban kylli jingkylli bad ban pule puthi. Ka jingbuh shuh shuh ïa ki lad ban ïarap ha ka pule puthi kum ka Doubt App na ka bynta ba ki khynnah kin ïoh ban ïaphylliew jingmut para marwei bad ki nonghikai, ka Pedagogy app ha kaba ki khynnah ki lah ban ïoh ïa ki kot ki sla ba bun jait, bad ka jinglah jong ki ba kin pyrshang ïa kaei kaba ki la pule.
Ki kamra klass kiba la biang bha ka bor teknologi bad ka rukom long ka jaka pule, ka ïarap ïa ki kmie ki kpa ba ki lah ban buddien ïa ka jingpule jong ki khynah, kumta ki kmie ki kpa ki long kiba tip shaphang la ki jong ki khun bad ki nang lah shuh shuh ban ïatreilang ban kyntiew ïa ka pule puthi jong ki khun jong ki. Ka Vedantu ka ai ruh ïa ka rynsan na ka bynta ki khynnah bad samla pulr ba ki lah ban ïatreilang, ban pule bad ïoh pdiang ïa ki jingbtin lynti, khnang ba kin ïoh ïa ka jingjop.
