Shillong, Nohprah:
Ka prokram jong ka Durex The Birds and Bees Talk (TBBT), ba la lam khmat da ka Reckitt, ka la long ka shnat treikam ha ka liang ka koit ka khiah kaba ïateh lok ha ka jingrakhe ïa ka Sikkim World AIDS Day. Kane ka dei ka prokram kaba la pynlong katkum ka mat phang jong ka jingrakhe ïa ka WHO’s 2023, bad kane ka mat ka long ‘Let Communities Lead’, ka la ïatreilang ruh bad ka Sikkim State AIDs Control Society (SSACS) khnang ban pynsaphriang jingtip hapdeng ki khynnah skul bad ki nonghikai shaphang ka jingma jong ka jingpang HIV/AIDS. La pyntreikam ïa kane da ka Plan India ha ki hynriew tylli kjylla ka thaiñ Shatei-lam-Mihngi, Delhi, Gujarat, ha kane ka prokram la ïoh ïa ka jingïashim bynta jong ki nongshong shnong bad ki samla lyngba ki lympung bad ki rynsan bapher bapher.
Ka lympung tamasa ka rwai ka siaw ka tem ka put ïa ba la tip kum ka SOFIYUM Music Festival ha Gangtok la sakhi ïa ka jingïashim bynta jong ka kynhun tem sur tynrai kata ka Gangtok’s Lepcha Folk-western Fusion Band SOFIYUM bad la ïoh ïa ki jingrwai hip hop na u nongrwai ba la tip kyrteng kum u Sudarshan Rai, uba la rwai ïa ki kyntien jingrwai kiba pynsaphriang jingtip shaphang nongrim jingtreikam ka Durex TBBT kaba long ka païa ba skhem ba kane ka shnat ka ïeng bad kine ki long ban kren shaphang ka jingïamynjur, ka jingïaryngkat, ka jingkynthup lang ïa baroh, ka jingpynsaphriang jingtip, bad ka jingïada ïa ki khynnah bad ki samla. U Nell Bahadur Chettri, Mayor, ka Gangtok Municipal Corporation, u la ong ka Durex TBBT, “Kadei ka prokram kaba ai jingmyntoi bad kaba biang na ka bynta ki samla ba kin nang kham sngewthuh kham shai shuh shuh shaphang kiei kiba pynlong ban ïoh ïa ka jingpang HIV/ AIDS bad ka jingdih ïa kiei kiei kiba pynbuaid.”
La don ruh ka jingïaid halor rynsan ban pyni ïa ka riam ka beit ne ka Pride Walk Fashion Show kaba la pyni ïa ki nongïaid kiba paw khmat kata ki Queen bad dro bad ka jingïaid lang arngut i Xorem bad Gracy. Ka imlang sahlang ka pdiang sngewbha ïa kine ki riew donsap kiba la ïaid halor rynsan ryngkat ka jingïakyrshan lang jong kito kiba ïoh ïa ka jingpang HIV AIDS bad la pyni ruh ïa ki lynnong kot jong ka TBBT bad ki tiar ki tar na ka bynta ki khynnah, ban hikai ïa ki shaphang ka long kynthei ne long shynrang, ka jingtbit ha ki kam kiba ïadei bad ka jingim bad kumno ban leh ïa kiei kiei kiban ïada ïalade.
