Shillong, Nohprah 19
Ki shnat jingpule ha Shillong Engineering College kin sa sdang noh ha ka samoi jinghikai ka ban wan.
Ïa kane la ïathuh da u Myntri Rangbah u Conrad K Sangma hadien ba u la batai shaphang ka jingmynjur jong ka Kynhun Myntri ïa ka Captain Williamson Sangma State University Amendment Bill (Ordinance).
Kane ka jingwanrah ïa ka Ordinance ka long ban nang pynïar ïa ka skulbah kaba la seng hi da ka Sorkar Jylla bad ban pynrung ruh ïa ki kyndon ka University Grants Commission (UGG) hapoh lane ka skulbah jong ka Jylla.
U Conrad u la ong ba ka State University kan lah ban buh ïa ki phyllaw jaka pule (campus) ha kiwei pat ki bynta ka Jylla.
Haba kylli shaphang ka Shillong Engineering College kaba la dep plie naduh u snem ba la la dep, u Conrad u la ong ba ki shnat jingpule kin sa sdang noh ha ka samoi jinghikai ka ban wan.
