Khliehriat, Nohprah:
Ka Rotary Club Shillong Heritage ha ryngkat ka jingïatreilang bad ka Synjuk Ki Seng Samla Shnong Shillong City ki lah pynlong ïa ka Sharakrit Award ha Pinewood Hotel Shillong kum shi bynta ban ai mynsiem ïa ki khynnah samla kiba don ha la ki jong ki jong ki sap pule ne treikam bad khamtam kito kiba ïeng ha la ki jong ki kjat ban seng kam bad ban ai jingïarap ïa kito ki samla kiba donkam shisha ka jingïarap bad ïa ki Seng Samla Shnong kiba trei bad shakri kham bha hapoh shnong hapoh thaw.
Ïa katei ka prokram lah pynïaid bad pdiang burom sha baroh da u President ka Rotary Club Shillong Heritage Mr Vishal Amarnani bad u General Secretary Mr Jasbir Singh, bad na ka liang ka Synjuk Ki Seng Samla Shnong lah ïalam da u Chairman Bah Pynshaiboklang Diengdoh bad u General Secretary Vivan Kharkongngor, ka long ka prokram kaba shongkun bad ïaid beit ïaid ryntih, lah sam ruh sha ki khusnam da ka Pisa (cash Award) bad ki Certificate, na ka liang u president ka Rotary Club Shillong Heritage u lah kitbok kit rwiang sha baroh kiba ïoh khusnam bad ka long ruh kum shi bynta ba ai mynsiem ïa kiwei pat ki para samla ba kin dang ïai trei minot ha la ki jong ki jong ki sap bapher bapher, bad na ka liang u Chairman ka SSSS Shillong City u lah ong ba kim dei ban tieng, randien ne duh jingkymen ha ka jingïaid lynti ka jong ki, hooid kin don bun ki dieng pynkiang hynrei long kiba skhem ha ka jingmut jingpyrkhat bad kynmaw borabor ban buh beit ha ki jingduwai shwa ban sdang ne ïaid ha ka lynti ka jong ki.
Lah pynwai ïa ka jingïalang da u Chairperson jong ka Youth na Rotary Club Shillong Heritage Bah Phiralang Marak bad u Vivan Kharkongor General Secretary na Synjuk ki Seng Samla Shnong.
Kiba ïoh Khusnam (Award) ki long kumne harum:
Ibadalin Kharbuli, Alisdora Kharkongor, Bandarika Kharkongor, Welkin Stone Shadap, Glorify Kurbah, Ferddy Banteilang Jyrwa, Kynsai Kharmawphlang, Daphilahun Wahlang, George GH Suting, Bony Brodson P Warjri, Wallamjingsuk Khongshun, Kampherika Thangkhiew, Robinson Jyrwa, Christopher Wahlang, Ryan Nongkhlaw, Aiborlang Kharthangaw, Mordekai S Kharpuri, Jonathan Iawphniaw, Donbok shabong, Gabriel Jeffernel Jyrwa Marwein, Seng Samla Lum Shyiap Pyllun, Seng Samla Mawlai Pyllun, and Spring of Hope Children’s Home.
