Shillong, Nohprah 20
Ka tnat Korbar Jylla ha ka Sngi Ba-Ar ka la pynmih hukum ban pynkiew kyrdan bad pynkynriah kam ïa kiba bun ngut ki heh pulit kiba dei ki IPS bad MPS.
Ha ka banyngkong, ka tnat ka la pynbna ba u R Muthu, IPS bad u DP Marak, IPS, kiba dei mynta ki Deputy Inspector General of Police (DIGP), ki la shah pynkiew kyrdan kum ki Inspector General of Police (IGP). U Muthu, kumba ka long mynta, u trei bad ka Sorkar Pdeng, katba u DP Marak u long kum u DIG) ka tnat Special Branch. Hadien kane ka jingshah pynkiew kyrdan, u DP Marak un shimti kum u IG ka Special Branch bad Border.
Nalorkata, ka tnat ka la pyntip ba la pynkiew ïa ki lai ngut ki pulit na ka kyrdan SP sha ka kyrdan DIGP. Kine ki long u Dr Raghvendra Kumar M.G, IPS, Ramesh Singh, IPS, bad ka Kong Claudia Anne Lyngwa, IPS.
Hadien ka jingshah pynkiew kyrdan, ka tnat ka la thung ïa u Dr Raghvendra Kumar M.G, IPS, uba long mynta u Special Superintendent of Police, CID, Shillong, kum u Deputy Inspector General of Police (WR), Tura ha ka jaka jong u C.V.S Reddy, IPS.
U Ramesh Singh, IPS u don mynta bad ka Sorkar Pdeng katba ka Kong Claudia, kaba long ka Commandant ka 1st MLP Battalion, ka la shah pynkynriah ban shimti kum ka DIGP (TAP) ha Shillong.
Shuh shuh la pynkiew kyrdan ruh ïa arngut ki SP, kata, u Jerry FK Marak, IPS bad ka Jubi G. Momin, IPS sha ka Selection Grade jong ka Senior Scale. Hynrei kine kin bteng ban bat ïa ki kam kiba ki peit mynta, kata, u Marak kum u Inspector General of Prisons, Shillong, bad ka Momin kum ka SP, Anti Infiltration Directorate, Shillong.
Ha kajuh ka por, la pynkiew kyrdan ïa Priyanshu Pandey, IPS, Deepak Kumar Palecha, IPS, Bah Herbert G. Lyngdoh, IPS, Mary Gnora T. Sangma, IPS, bad u Bah Vivek Syiem, IPS.
U Pandey bad u Palecha ki don bad ka Sorkar Pdeng mynta katba u Bah Herbert, ka Mary Sangma bad u Bah Vivek kin bteng ban don ha ki kam kiba ki bat mynta. U Bah Herbert un bteng ban long kum u SP Anti Infiltration Directorate, Shillong, ka Mary Sangma kum ka Principal, Police Training School, Umran bad u Bah Vivek kum u SP (City), East Khasi Hills.
Nalorkata, ka tnat Korbar Jylla ka la pynkiew kyrdan ïa u Pawal Swapnil Vasantrao, IPS, Pankaj Kumar Rasgania, IPS bad u Vikash Varma, IPS. Mynta, u Vasantrao, uba bat ïa ka kyrdan Sub Divisional Police Officer (SDPO), Sadar, Shillong, un shimti noh kum u Commandant ka 1st MLP Battalion, Mawïong ha ka jaka jong ka Kong Claudia kaba la shah pynkiew kyrdan kum ka DIGP.
U Rasgania uba bat kum u Sub Divisional Police Officer (SDPO), Dadenggre, un shimti noh kum u SP, CID, Shillong ha ka jaka u Dr Raghavendra Kumar M.G, IPS, uba la shah pynkiew kyrdan. U Varma, Assistant Superintendent of Police, Tura, un shimti kum u SP, SCRB, Shillong.
Shuh shuh ka tnat Korbar Jylla ka la pynbna ba u C.V.S Reddy, IPS, DIGP (WR), Tura, u la shah pynkynriah kam ban shimti noh kum u Deputy Inspector General of Police, CID, Shillong.
U Siddharth Kumar Ambedkar, IPS, SP East Garo Hills, Williamnagar, u la shah pynkynriah ban shimti noh kum u Commandant, 5th MLP Battalion, Samanda ha ka jaka jong u Billy Graham Marak, MPS.
Shuh shuh ka tnat ka la pynbna ba ïa u Naman Kumar, IPS yn thung kum u SDPO ka Raksamgre, Dewansh Pandey, IPS kum u SDPO ka Amlarem, Ishan Gupta, IPS kum u SDPO ka Dadenggre, bad u Ashish, IPS kum u SDPO Sadar, Shillong.
Ha kajuh ka por, la pynbna ba u Bah Stephen A. Rynjah, MPS, Superintendent of Police, Anti Infiltration Directorate, Tura un shimti noh kum u Superintendent of Police, East Garo Hills District, Williamnagar ha ka jaka jong u Siddharth Kumar Ambedkar, IPS.
U Billy Graham Marak, MPS, Commandant, 5th MLP Battalion, Samanda un leit ban shimti kum u Superintendent of Police, Anti Infiltration Directorate, Tura ha ka jaka jong u Bah Stephen.
Ïa u Bah Banraplang Jyrwa, MPS, uba long mynta kum u Additional Superintendent of Police, East Jaiñtia Hills, Khliehriat, la pynkynriah bad un leit shimti kum u Deputy Commandant, 6th MLP Battalion, Umran ha ka jaka jong u Bah Baniateilang Diengngan, MPS.
Ïa u Bah Diengngan la ai hukum ba un leit shimti kum u Additional Superintendent of Police, East Jaiñtia Hills, Khliehriat ha ka jaka jong u Bah Banraplang.
Shuh shuh la ai hukum ba u Bah Gilbert Armstrong Lyngdoh Marshillong, MPS, Assistant Commandant, 3rd MLP Battalion, Sahbsein un leit shimti noh kum u Assistant Commandant, 4th MLP Battalion, Sohpian.
Ïa u Bah Nawab Thohrem, MPS, Deputy Superintendent of Police, CID, Shillong la pynkynriah ba un shimti kum u Deputy Superintendent of Police, Anti Infiltration Directorate, Shillong.
