Shillong, Nohprah 21
Ka jingïaid ki trok ban shalan ïa u dewïong ha kine ki sngi kan dang bteng hadien ba la pyllait ban lilam ïa u dewïong ba la ïoh kurup uba la lajan kot sha ka 2 lak metric ton (MT).
Ka tyllong khubor ka ïathuh ba ka jingai challan na ka bynta u dewïong ba ïoh kurup ka lajan kot sha ka 2 lak MT.
“Nalor u dewïong ba ka Coal India Limited ka dang lilam, u don ruh u dewïong uba ïoh kurup uba la pyllait ïa ki Challan ban shalan noh mynta. Kumta ka jingshalan ïa u dewïong mynta kan bteng ym tang uba ïoh kurup hynrei u dewïong ba ka Coal India Limited ka la lilam,” la ong ka tyllong khubor.
Kumta ka jingpyllait ban shalan ïa u dewïong ka dang ïaid mynta, la bynrap ka tyllong khubor.
Katkum ka tyllong khubor, u dang don u dewïong uba dei ban lilam lyngba ka Coal India Limited bad kane ka jia namarba u don u dewïong uba la dang lait na ka thup ban lilam namar ka jingbym wan ki briew ban thied lilam ïa u dewïong uba la buh ban lilam baroh shikatta.
