Shillong, Nohprah:
Ka Vi, kaba long kawei na ki kompani bapaw ban ai jingshakri ha ka liang ka Telecom, ka la pyllait ïa ka jingïalap paidbah shaphang ka jingshakri kaba ïadei bad ka Roaming haba leit jingleit sha bar ri khnang ban pynsuk ïa ka leit ka wan bad ban kmen ki nongpyndonkam ïa kane ka jingshakri. Kane ka Plan Truly Unlimited International Roaming ka wanrah ka jingtyrwa ban ïoh ïa ka Unlimited Free Incoming ne ka jingbym hap ban shah ot pisa haba poi ka Phone na kiwei wat lada dei shabar ri, ïoh ruh ïa ka Unlimited Data, bad Voice calling (Outgoing) na ka bynta ki nongpyndonkam ïa ka Vi kiba leit jingleit shabar ri ha kane ka aïom leit jingleit. Ka jingshakri jong ka Vi kaba phai khmat bha sha ki nongpyndonkam ne ka Vi customer-centric Approach ka pynlong ïa ka Dubscription na ka bynta ka plan kaba ïadei bad ka Roaming sha bar ri ban long kaba bit dor, bad kaba sdang ha ka dor 133 shi sngi. La kynthup ruh ïa ka Maldives ha kane ka plan, ka ban ïahap bad ki nong India kiba leit sha katei ka ri. Ki nongpyndonkam mynta kin kmen haba kin ïoh ïa ka Voice Call khlem kano kano ka jingthut bad kumjuh ruh ïa ka Data haba ki leit sha bar ri ha ki 105 tylli ki ri, kynthup ïa ka ri USA, UK, Australia, Italy, Malaysia, Germany, Singapore, Brazil, bad Maldives. Ka Maldives Pack ka wan ha ka dor 2999 tyngka, bad ïoh haduh 100 minit ka (outgoing + incoming) ne ka (Phone ba leit shabar+ kaba wan nabar), 5 GB Data, 10 tylli ki SMS ba phah sha bar, bad ïoh ruh ïa ka SMS kaba wan khlem da hap ban siew pisa.
