Shillong, Nohprah:
Ka Vi, kaba long kawei na ki shnat ai jingshakri ha ka liang ka Telecom, mynta ka la wallam sa ïa kawei pat ka Prepaid Recharge Pack kaba shi snem ha ka dor Rs 3199 tyngka, ha kaba kito kiba Recharge ki lah ruh ban ïoh Subscrine ïa ka Amazon Prime Video ha ka sien Recharge kaba nyngkong jong ki. Ki nongpyndonkam ïa ka Vi Prepaid ki ïoh ïa kane ka jingtyrwa kaba kham pher ha kaba ki lah ban ïoh ha kajuh ka por ïa ka Connectivity bad ruh ïa ka jingpynbyrngia, da kaba leh ïa kane ka plan ba shi snem bad kumjuh ruh lah ban ïoh ïa shibun ki jingmyntoi ha ka dor kaba duna bad kata ka long 3199 tyngka, bad kane ka pynlong ïa ka Vi ba kan dei tang ma ka ka shnat ai jingshakri ha ka liang ka Telecom kaba wanrah ïa kine ki jingshakri kiba pher haduh katta katta.
Ki nongpyndonkam ïa ka Vi Prepaid ki lah ban ïakmen ïa sngewbha da kaba ïoh ïa ka Connection ka bym thud baroh shi snem lynter bad ïoh ruh ban peit ïa ki jingpynbyrngia ha ka dor 9 tyngka shi sngi da kaba ki Recharge da ka Recharge Pack ba 3199 tyngka. Kane ka Pack ka wanrah ïa ki jingtyrwa ïa ka jinglah ban Phone khlem lut ne Unlimited Calls, 2GB Data shi sngi, bad ïoh ruh ïa ka Subcribtion ba shi snem lynter na ka bynta ka Amazon Prime Video Mobile Edition, da kaba ïarap ïa ki nongpyndonkam ba ki lah ban ïoh ïa shibun ki jingpyrbyrngia ba bun jait wat lada ki leit shano shano. Kane ka Recharge Pack ka ai ruh ïa ki jingtyrwa ha kaba lah ban Phone khlem kut ha ki National Call, 100 tylli ki SMS ha ka shi sngi, ka jinglah ban pyndonkam ïa ka data kaba khlem pyndonkam ha ka sngi kut taïew ne ka Weekend Data Rollover, bad lah ban phah Message khlem da lut naduh ka por 12:00 mynmiet haduh 6:00 baje mynstep bad kane kan ym wanrah kano kano ka jingthut ha ka jingïakren.
