Shillong, Nohprah:
Ka Forever Young sa shisien kan pynlong biang ïa ka jngi shiteng synñia kaba 26 snem ha pung jngi Cronoline Swimming Pool ha ka 31 tarik Nohprah 2023.
Kane ka long kum shi bynta ban pdiang sngewbha ïa u snem 2024 ryngkat ka jingduwai ha U Trai Kynrad ba un ai ka bor ban ïakhun pyrshah ïa ki jingeh ba ngin ïakynduh ha une u snem thymmai.
Kum shi bynta jong kane ka jingpynkhreh, la ong ba mynta u snem yn buh hynñiew ton u thah ha katei ka pung.
Kumta la kyrpad ïa kito kiba kwah ban ïashim bynta ba kim bit ban dih kino-kino ki jingdih pynbuaid shuwa ban ïashim bynta ha katei ka jingïajngi namar ïoh ka pynduh noh ïa ka mynsiem ïakhun jong ki.
Kane ka long katkum ka kyrwoh na u General Secretary Bah M Thabah.
