Shillong, K’Lyngkot 02
Uwei u rangbah ba la don 50 snem ka rta na ka shnong Mawmang, Khatar Shnong, u la khlad hadien ba u la shah shoh ha arngut ki briew.
Katkum u kyrwoh khubor na ki pulit, la ïathuh ba ha ka Lah Sngi U Blei ha ka por kumba 6:30 janmiet, la ïoh jingtip na u Sirdar ka shnong Mawmang ba uwei u rangbah ba la tip kyrteng kum u Bah Moris Khongshei u la shah shoh ha ka por 3 baje mynstep ha ki arngut ki briew kiba la shoh khawiang.
La ong ruh ba namar ka jingmynsaw kaba jur, u Bah Moris u la khlad noh hadien katto katne por.
Hadien ba la ïoh ïa katei ka jingtip, ki pulit na thanat Sohra hapoh ka jingïalam jong u Sub-Inspector S. Lhuid, ki la leit sha katei ka shnong ban pynlong ïa ka jingtohkit.
Ki pulit ki la pynrung noh da ka jingujor bad ha ka jingtohkit, ki la lap ïa ki arngut ki briew kiba la donkti ha katei ka jingjia, bad la kem noh ïa ki.
