Shillong, K’Lyngkot 02
Ki pulit ka nongbah Shillong ki la kem ïa uwei u briew halor ka jingkynnoh ba u la donkti ban thang ïa ki ar shaka ha Jhalupara, Upper Mawprem.
Ha ka Sngi Ba-Ar ki pulit ki la ïathuh ba ha ka 28 tarik Nohprah, 2023 ha ka por kumba 2 baje mynstep, ka la don ka jingkem ding ha kawei ka ïing ha Jhalupara bad ha kane ka jingjia, saw tylli ki ar shaka kiba don ïa ki nombor ML-05-A-2201, ML-05-R-1523, ML-10-A-3806, ML-05-N-7063 ki la ing bad julor. Nalor ki ar shaka, ki la don ruh ki dukan kiba la julor na ka jingpluh ding.
Ki la don kiba la leit ban buh da ka jingujor halor katei ka jingjia ha thanat Lumdiengjri bad ki pulit ki la pynlong ïa ka jingtohkit.
Ha ka jingtohkit, ki pulit ki la thwet bad lap ïa uwei u briew uba la donkti ban thang ha katei ka jaka kaba la pynjulor ïa ki saw tylli ki ar shaka bad ki dukan ba marjan. Na ka liang ki pulit ki la ong ba kin pynkloi ban pyndep ïa ka jingmudui pyrshah ïa une u briew.
