Nongstoiñ, K’Lyngkot 03
Ka Ri Khasi Sepngi Federation (RKSF) ha ryngkat ki nongïalam shnong ka thaiñ Rambrai ha ka 3 tarik mynta u bnai, ki la hiar ban jurip ïa ka surok na Mawrang haduh Rambraibah kaba la pyntrei lyngba ka skhim PMGSY.
U Bah Markordor Kharsyiemlieh, President ka RKSF u la ong ba ha kane ka jingjurip la lap ba ka jingpyntrei ban siang rong ïa katei ka surok ka long kaba torti haduh katta katta.
Nalor nangta u la ïathuh ruh ba katei ka surok tang hadien ba la dep ban siang rong dang ha kine ki khyndiat sngi ka la da pra lut. Namar kata, ka RKSF ka dawa na u kontraktor ba u dei ban trei bad siang rong bha lym kumta ka RKSF kan hap ban shim da kiwei pat ki sienjam kiba kham tyngeh. Na ka liang jong u Bah Mawkordor u la ong ba ka RKSF ka kyntu ruh ïa ka tnat ba dei peit ba ka dei ban leit jurip mardor ïa katei ka surok khnang ba kan long kaba paka namar ka West Khasi Hills kam dei ka jaka ka ban shu wan leh katba mon, bad na ka liang ka RKSF hi kan nym ailad.
