Sohra, K’lyngkot 04
Ka jingmaham kaba kyndit-kynsan ka la mih lyngba ki jingthoh ba la tah ha kylleng ki thaiñ jong ka Sohra bad Shella kaba la maham ïa kino kino ki briew ba kim dei ban buh nongtrei da ki bar jylla hapoh kitei artylli ki thaiñ.
Ha katei jingmaham kaba khlem soi kyrteng ruh la ong ba kino kino ki briew kiba buh nongtrei bar jylla ki dei ban phah mih noh shisyndon na ki jaka trei bad lada kim leh kumba la ong ha katei ka jingmaham bad lada jia eiei ïa ki, ki trai kiba ai kam ïa ki bar jylla ki hap ban shim ïa ka jingkitkhlieh.
Shuh shuh ha katei ka jingthoh la thoh ba katei ka jingmaham kam dei tang ka jingthoh bad ïa kitei ki jingthoh la ïathuh ba ki la don da ki briew kiba la wan tah ha kitei ki dukan kiba don ha kitei artylli ki thaiñ ha ka por ba ym don ba don ne ïohi.
“Kino kino kiba buh nongbylla ne nongtrei dkhar hapoh ka thaiñ Sohra bad ka thaiñ Shella baroh kawei pynmih noh kloi ïoh jia eiei phin hap shim ïa ka jingkitkhlieh.
‘Ñiuma kam dei tang ka jingthoh”, la thoh ha katei ka jingthoh.
