Shillong, K’Lyngkot 05
Ka shlem treikam jong u Chief Electoral Officer ka jylla ka la pyntip ba ïa ki kot don kyrteng jong ki nongthep ‘vote’ hadien ba la leh ïa ka “Special Summary Revision” ha baroh 60 tylli ki Assembly konstitwensi, la pynmih paidbah ha ka Sngi Thohdieng.
Na kine ki kot ba don ki kyrteng nongthep ‘vote’, la shem ba ki don haduh 22,17,100 ngut ki nongthep ‘vote’ ha ki 60 tylli ki Assembly konstitwensi ka jylla.
La ong ruh ba ka la don ka jingkiew da 30,949 ngut ki nongthep ‘vote’ haba ïanujor bad ki 21,86,151 ngut ha ka por ba la pynmih ïa ki kot ba don ki kyrteng nongthep ‘vote’ ha ka 27 tarik Risaw, 2023.
