Jowai, K’Lyngkot 05
Ki nongñiah kali ka Star Cement, Meghalaya ki ai ka jingkyrshan ïa ka jingïakhih jong ka Driver Union of India (DUI) da kaba sangeh kit mar ban pyrshah ïa ka ‘Motor Vehicle Act’ bathymmai jong ka Sorkar Pdeng. Kane ka aiñ thymmai ka long ban kyntiew ïa ka kuna bad ka por set along ïa ki nongñiah kali ha ki jingjia aksiden ‘hit and run’.
“Ngi ki nongñiah ngi bsa ïa ki khun ki kti, ïa ka ïing ka sem da kaba ñiah trok, bad shakri ïa u paidbah da kaba kit ïa ki mar ki mata u paidbah, kumta ngi pynrem ïa ka Sorkar NDA bad ïa kane ka aiñ ïakjakor, ngi sngew ba ka Sorkar NDA ka la buh lypa ïa ngi ki nongñiah kali da u tyllai phasi ha ryndang,” la ong ki nongñiah kali ka Star Cement.
