Shillong, K’Lyngkot:
Ka Khasi Students’ Union (KSU) Nongmensong Unit ha ka 3 tarik mynta u bnai ka la ïoh ban sam jingïarap sha ki katto katne ki longïing hapoh ka shnong da ki kymbor syaid bad kiwei ki tiar donkam.
Ha shwa ban sam ïa kitei ki jingïarap, ka KSU ka la ïoh shuwa ban pynlong ïa ki jingïalang ba lyngkot kaba la pynlong hapoh ka ïingdorbar shnong Nongmensong, Shillong ha ka jingïadon ryngkat lang u Rangbah Shnong u Bah Phrang Warjri bad u Secretary Shnong Barim u Bah Ananias Nongdhar.
Ha kane ka sngi, la ïadon lang ruh ki nongïalam ka KSU Sengkmie kiba kynthup naduh u samla Cleanstar Shabong bad samla Eddie Malngiang Asst Organising Secretary, samla Alerick Kharjana Asst Office Secretary bad samla Sonstar Nongkhlaw u President ka KSU Shillong Mihngi Circle bad kiwei ki dkhot na ki shnat bad ki jylli.
