Shillong, K’lyngkot 08
Ka Dorbar Shnong Mawlai Mawroh ka la ïoh ïa ki nongkitkam bathymmai kiba la shahjied ha ka dorbar kaba la pynlong ha ka Lah Sngi U Blei (8 tarik Kyllalyngkot) bad kaba la ïashimbynta lang da ki nongshong shnong.
Ha kane ka dorbar kaba la pynïaid da u Bah Khlur M Wahlang kum u Protem Chairman, la jied ïa ki nongkitkam ka Dorbar Shnong Mawlai Mawroh kiba kynthup ïa u Bah HBR Lyngdoh Nongpiur kum u Rangbah Shnong bathymmai, bad u Bah Pynsuklang M Hynñiewta kum u General Secretary.
La jied ruh ïa u Bah Edward Nongspung kum u Assistant Rangbah Shnong nalor u Bah Jyswill Lyngdoh Nongpiur kum u Assistant General Secretary bad ka Kong Saphita Marbañiang kum ka Treasurer.
Nalor kitei ki nongkitkam, ki don ruh hynñiew ngut ki Rangbah Dong bad hynñiew ngut ki Assistant Rangbah Dong.
