Shillong, K’lyngkot 09
Ka Green Image Junior Dance Crew na Byrnihat, Ri Bhoi district, ka la ïoh ïa ka nam ba ar ha ka jingïakob ha ka Indian Hip Hop National dance hip hop kaba la long ha Mumbai ha ka 7 tarik Kyllalyngkot.
Kumta ka All Meghalaya Dancers Association ka la ai khublei kitbok kitrwiang ïa kane kynhun kiba la wanrah nam bad burom ïa ka jylla Meghalaya. bad ka seng ka la pynkhreh mynta ban pynkup burom na ka bynta kine ki heprit don sap kiba la wan rah burom ia ka jylla.
Kane kan dei ka sien ba nyngkong ba ka Green Image Junior Crew na Byrnihat, Ri Bhoi district hapoh ka jinghikai u samla Kitbok Lyngdoh Everett Manner, ki la lah ban pynkhyllem ïa ki snar nongshad ka India da kaba shah pynkup burom da ki takma rnong. Katkum ka syrnod ba la ïoh, na ka liang ki nongpynïaid ki la ai ban leit mihkhmat ïa ka rynsan Word of Dance Junior ha United States America.
Ka Green Image Junior Crew ka la shim bynta ruh ha ka Meghalaya Superstar Star season-3 ha u snem 2019, ha ka Grand finale Meghalaya Superstar Star bad ha kajuh ka por ka kynhun Wansai Fusion Crew Winner Meghalaya Superstar Season 5 ki profinal senior category napdeng ki 260 ngut ha ka Indian hip hop ki nongshad ka India baroh kawei bad ka wansai fusion ka ïoh ban rung ha ka kyrdan ba hynñiew.
Na ka liang ka All Meghalaya Dancers Association ka dap da ka jingkmen ïa ki jingtrei shitom na ka bynta ban kyntiew ïa ka jylla Meghalaya lyngba ki sap ki phong ka wanrah nam ïa ka kyrteng ka Meghalaya baroh kawei.
Kane ka long katkum ka kyrwoh khubor na u Social Secretary Youths Talented Dancers & Singers u samla Mikey Poul Mawlong.
