Shillong, Kyllalyngkot:
Ka Vi bad ka Team Vitality ki la ïatehlok na ka bynta ka jingpynlong ïa ka Esports ha India, kaba thmu ban nang pynkhlaiñ ïa ki bynta ban pynïoh lad ïa ki briew ban leh ïa ki Esports ha ka ri. La kyrmen ba ki karkhana kaba peit ïa ki kam kiba ïadei bad ka Esports ha India kan kiew da kumba $140 million kat ha ka snem 2027, bad ka Esports ka la ïoh ïa ka jingithuh kum kawei na ki jingïalehkai Sport. Kane ka jingïatehlok ka kynthup ïa ka jingbei tyngka ïa ka kyrteng jong ka kompani ne ka Brand, ka jingïatehlok ha kaba ïadei bad ki bynta ba ïadei bad kane ka kam ne ki Content, ka lympung ïalehkai, bad bun ki bynta kiba kyrpang. Ki nongpyndonkam ïa ka Vi kin ïoh ban ïashim bynta ha ki lympung ba kyrpang jong ka Team Vitality bad ki kynhun katba kito kiba donsap bad kiba dang sdang ban kiew ha ka jingïalehkai ïa ka Esports kin ïoh ban pynïasoh bad ki nongïalehkai kiba tbit, kin ïoh ruh ïa ki Master Class, bad ïakynduh bad ïakren bad kito kiba paw bha ha ka sap ka phong ha kaba ïadei bad ka Esports.
Ka Vi, kadei kawei na ki kompani kaba paw bha ha India ha kaba ïadei bad ki jingïalehkai ha ka Mobile, bad mynta kan nang ngam jylliew shuh shuh ban phai khmat sa sha ki Esports ha India lyngba ka jingïatreilang bad ka Team Vitality. Ki Vi Games hashwa ka la pynlong ïa ki lympung ïakhun bapaw bad ba khlem donkam ban siew pisa eiei ha kaba ïadei bad ka Esports, kum ka Call of Duty: Mobile, Free Fire Max, Asphalt 9, bad Clash Royale. Kane ka jingïatehlok ka thmu ban thaw ïa ki lad ki lynti na ka bynta kito kiba donsap bad kiba dang sdang ban leh ïa ki jingïalehkai Esports ban ïashim bynta ha ki Esports bad ïoh ban ïadon bynta ba ki nongïalehkai kiba tbit bad kiba donsap ha ka Esports.
Haba kren shaphang kane ka jingïatreilang, u Avneesh Khosla, CMO, Vi u ong, “Ngi sngewkmen ban ïoh ban ïadon bynta bad kawei na ki kynhun kaba paw bha ha ka liang ka Esports ha ka pyrthei- ka Team Vitality. Ryngkat lang, ngi thmu ban pynlong ïa ka Esports kaba lah ban ïohlad ban ïashim bynta da ki briew ha India kam kaba ïar bad ba ki briew ki lah ban ïashim bynta lang.”
