Shillong, K’Lyngkot 10
Ka District Magistrate ka East Khasi Hills, ka Kong RM Kurbah, ka la mana ïa ki paidbah, kynhun bad kiwei ba kin bret bih ne pynbthei bom ha ki wah ban pynïap ïa ki dohkha.
Kane ka hukum ka la wan hadien ka jingïoh jingtip ba ka don ka jingpynïap pathar ïa ki dohkha ha ka Wah Shka Wah Umsoh shaduh Shka Wah Umsong, Wahjapuh bad Wahjaduh da kaba bret da ki dawai bih bad pynbthei bom.
Ka la ong ba ka jingpyndonkam da ki kynja ba bthei ha ki wah bad ka jingbret da ki dawai ba long bih ka ktah ïa ka jingim jong ki dohkha bad kiwei pat ki kynja ba im ba don ha ki um. Ha kajuh ka por, ka ktah ïa ki nongshong shnong jong kito ki jaka ba don ki wah.
Namarkata, ka District Magistrate ka la pynjari da ka kyndon 144 CrPC, bad ka la mana ïa ki paidbah, kynhun bad kiwei ba kin bret bih ne pynbthei bom ha ki wah ban pynïap ïa ki dohkha ha baroh kawei ka East Khasi Hills.
