Shillong, K’Lyngkot 11
Ki pulit ka East Khasi Hills ha ka Sngi Palei ki la pyntip ba ka President ka Ri India, ka Droupadi Murmu, kan wan sha nongbah Shillong bad kan leit jngoh ruh ïa ka ‘Law Kyntang ha Mawphlang ha ka 16 tarik Kyllalyngkot.
Ha u kyrwoh khubor, u SP ka East Khasi Hills, u Bah Sylvester Nongtnger, u la ong ba namar ka jingwan ka President, kan sa don ka jingdheng kali ha kiba bun ki bynta jong ka Shillong bad ha ki lynti ba ka President ka dei ban ïaid.
Namarkata, u SP u la kyrpad ïa ki paidbah ba kin kiar na ka jingleit sha ka thaiñ Mawngap bad ha sor Shillong lait noh sa tang lada ym lah shuh ban kiar.
U la pyntip ba yn sa pynsangeh lut ïa ki kali ha baroh ki lad 30 minit shwa ban wan ka President ha ka 16 tarik Kyllalyngkot. Hynrei u SP u la ong ba yn ailad ïa ki kali ba kit nongpang ba kin ïaid wat hapdeng ka jingpyrkhing.
