Shillong, K’Lyngkot 14
Kum shi bynta ban pynkhreh ïa ka jingwan jong ka President ka India, ka Droupadi Murmu, u Lat ka Jylla, u Phagu Chauhan ha ka Sngi U Blei u la leit ban jurip da lade ïa baroh ki tnad treikam jong ka Raj Bhavan, Shillong.
Ïa kane la leh ha ryngkat ka jingthmu ban pyntikna ïa ka jingïaid beit ïaid ryntih bad ka jingbit jingbiang haba ïadei bad ka jingsah jong ka President, ka ban wan jngoh ïa ka Shillong ha ka 16 tarik mynta u bnai hadien ka jingplie ïa ka Meghalaya Games – 2024 ha Tura ha ka 15 tarik.
Ki ophisar bad nongtrei ka Raj Bhavan ki la trei minot miet la bad sngi, da kaba pynkhreh ïa ki jingpynbit pynbiang ban pdiang sngewbha ïa ka President ha ka sien banyngkong jong ka jingwan jngoh ïa ka Jylla.
