Shillong, K’Lyngkot 14
Namar ka jingwan jong ka President ka Ri India ha ka 16 tarik Kyllalyngkot, ki pulit ka East Khasi Hills ha ka Sngi U Blei ki la pyntip ba lashai ka sngi kan don ka jingpyrshang lane ka ‘rehearsal’ na ka bynta kane ka jingwan jong ka President.
Kane ka jingpyrshang kan sdang ha ka por 10 baje mynstep lashai ka sngi bad namarkata, kan don ka jingpynsangeh ïa ki kali na ka bynta katto-katne por.
U SP ka East Khasi Hills u la kyntu ïa ki paidbah ba kin kiar na ka jingpyndonkam ïa ka surok Umshyrpi sha ka jaka ba hiar ka helicopter lane ka ALG ha Umdiengpun, Upper Shillong bad ka surok ban leit sha Mawphlang.
Lah ban kdew ba ka President kan wan poi lashai ka sngi ha sor Tura ha kaba kan plie ïa ka Meghalaya Games 2024. Ha ka Sngi Ba-Ar kan wan sha Shillong bad kan leit ruh sha ka Law Kyntang ha Mawphlang.
Ha ka Sngi Ba-Ar kan don ka jingpynsangeh ïa ki kali 30 minit ha baroh ki lad hashwa ban wan ïaid ka President.
