Shillong, K’Lyngkot 16
Ka Voice of the People Party (VPP) ha ka Sngi Ba-Ar ka la thoh sha u Myntri Rangbah, Conrad K Sangma, ha kaba ka la dawa ba dei ban weng lut ïa baroh kiba la shah thung kum ki Chairman, Co-Chairman, Vice-Chairman, Deputy Chairman bad kiwei ha ki Board/Commission ha ka jylla.
Ha ka shithi, u General Secretary ka VPP, u Dr Ricky Syngkon, u la ong ba ka long ka jingshisha ba kitei kiba shah thung kum ki Chairman, Co-Chairman, Vice-Chairman, Deputy Chairman bad kiwei ha ki Board/Commission kim wanrah ïa kano-kano ka jingmyntoi lait noh sa tang ka jingpynlut ksan ïa ka pisa paidbah.
Ka VPP ka la ong ruh ba ka jingthung briew ha kitei ki kam ka long kaba ktah namar ka sorkar jylla ka la pulom ban ai ïa ka jingshakri bad ki jingdonkam sha ki nongshong shnong.
Namarkata, u Dr Syngkon u la dawa na u Conrad ba ka sorkar ka dei ban weng lut ïa kito baroh kiba la shah thung kum ki Chairman, Co-Chairman, Vice-Chairman, Deputy Chairman bad kiwei ha ki Board/Commission ha ka jylla.
