Nongstoiñ, K’Lyngkot 16
U Superintendent of Police ka West Khasi Hills District u la pyllait khubor ba ha ka 1 tarik u Kyllalyngkot, 2024, u Sordar jong ka shnong Mawlangkhar u la pyntip lyngba ka ‘phone’ ba uwei u rangbah briew u bym tip kyrteng u la ïaid wir ha katei ka shnong.
Nalor nangta, u SP u la ong ruh ba la wanrah ïa u sha thanat Nongstoiñ bad la suba ba u dei u briew bym nang kren bad bym biang ka jingmut jingpyrkhat. Kumta la rah noh sha Nongstoiñ Civil Hospital, bad na ka liang u doktor ba sumar u la phah noh sha MIMHANS, Shillong.
La ïathuh ruh na ka liang u doktor Psychiatrist na MIMHANS u la mut ban pyllait noh na katei jaka sumar.
Namar kata, u SP u la kyntu ba lada don mano mano kiba ithuh, ki paramarjan ne bahaïing hasem jong utei u briew, kin sngewbha ban pyntip khnang khnang ban ïoh pyllait noh na MIMHANS. Utei u briew bym tip kyrteng u don ïa ka snieh doh kaba shai, ka rynïeng kaba 160 cm, u shñiuh ba ïong bad lyngkot, ka rta 40-50 snem antad bad la suba ba u dei na ka jaidbynriew Garo.
