Shillong, Kyllalyngkot:
Ka Fireboltt ka la pyllait paidbah ïa ka DREAM wristphone, kaba long ka baje kaba la shna katkum ka buit stad ka juk mynta bad kaba treikam da ka Android, kane kan wanrah shisha ïa ka jingnang kham pynbha shuh shuh ïa ki baje kti. Ka wristphone, ka shongdor 5999 tyngka, kane ka baje kti ka la nang kham pynbha shuh shuh ïa ka jingtreikam baiar jong ki Smartphone ha kaba la shna ïa ka baje ban long artad kum ka Smartphone bad ka dur ka dar jong ka, ka long kaba stang bad ba kynti. Kane ka baje ka wan ha ki 12 tylli ki rong bad ki strap bapher bapher, bad ka ailad ïa ki nongthied ba ki lah ban jied hi ïa kaba kumno ki mon katkum ka jingkwah jong ki.
Kane ka baje kaba lah ban buh ïa ka SIM kaba rit kaba treikam da ka 4G LTE ka heh 2.02-inshi ka Display, kumta lah ban ïohi bha ïa ka jingitynnad bad ka don ruh ïa ka jingshai kaba long 600 nits brightness bad ka don ruh ïa ka 60 Hz Refresh Rate. Lah ruh ban pynïasoh ïa kane ka baje da ka WiFi bad GPS, bad pyntikna ïa ki nongpyndonkam ba kin ym thud ha ka jingpyndonkam. Ka bor treikam ba khlaiñ jong kane ka baje ka long namar ka jingdon jong ka Cortex Quad-Core CPU, 2GB RAM, bad 16GB ka Storage ne ka jinglah ban buh ïa kiei kiei, bad kane hi ka pynlong ïa kane ka baje ban long kaba khlaiñ bad ba paka bha ban pyndonkam.
Kane ka tiar ba la pynmih ym tang ba ka long ka tiar kaba la shna da ka jingstad ha ka liang ka teknologi hynrei ka long kaba bha bad kaba don ïa ka IP67 kaba ïada na ka jingrung um. U Arnav Kishore, CEO & Founder jong ka Fireboltt, u ong ka jingpyllait paidbah ïa ka Fireboltt, ka pynpaw ïa ka jingaiti lut ban trei na ka bynta ban pynmih ïa ki tiar ki tar kiba la shna katkum ka buit stad ba mynta bad ïa kiba la shna ban nang kham pynsuk shuh shuh ïa ka jingpyndonkam ïa ki tiar Digital ha ka jingim jong ki nongpyndonkam. Ngi sngew kmen haduh katta katta shaphang ka jingbit jingbiang jong kane ka tiar bad ïa ki jingmyntoi kiba lah ban ïoh da ka jingdeng ïa kane ka kor teknologi.
