1. Kumba ju long, ka suiñbneng ha Mawphlang ka khriat khamtam ba don ka jingbeh ka lyer.
2. Da ki hajar ngut ki paidbah ki la poi sha ka madan ha Mawphlang na ka bynta ka jingïalang ba wan ka President Droupadi Murmu ha ka Sngi Ba-ar.
3. Ki paidbah naduh dang kham step ki hap pyndep ïa ka jingpeit bniah da ki bor pahara bad don kiba la poi naduh 9.30 baje mynstep.
4. Ki paidbah ki hap ïaid lyngba ar tylli ki khyrdop ‘Door-Frame Metal Detectors (DFMD)’ ban peitbniah ki bor pahara shwa ban rung shapoh.
5. Kiba wan sha ka jingïalang ha Mawphlang kham bun ki dei ki longkmie bad tang khyndiat ngut ki rangbah.
6. Ki heh ki haiñ ruh ki poi lypa sha madan ha Mawphlang naduh ki Myntri Sorkar, ki ophisar bad kiwei ki kynrem ki lyndan.
7. Khñium ki paidbah bym ïoh rah um, bad rah bam sha madan katba dang ap ïa ka President bad ki thait ba hap ap bun kynta.
8. Rkhie ki paidbah ba ïohi ïa ka dur lajong bad ka dur ki heh ki haiñ ha TV screen bad duna ka jingthap kti ïa ka President.
9. Poi ka President ha ka por 3 baje nohphai ha Mawphlang.
10. Rung ka President ha Khasi Heritage Village mar ïa poi ha Mawphlang hashwa ban wan sha madan ba don ki paidbah.
11. Pdiang u CEM bad ki MDC ka KHADC bad ai jingbatai u Executive Member Bah Teiborlang Pathaw shaphang ka Heritage Village.
12. Kynud jingrwai ïawbei ki longkmie na ka shnong Kongthong hakhmat ka President.
13. Plie ka President ïa ki projek surok Rongjeng-Mangsang-Adokgre bad Mairang-Ranigodown-Azra kaba mih sha Guwahati.
14. Buh mawnongrim ka President ban tei ïa ki projek Shyllong Peak Ropeway Project kaba T.138 klur bad ki projek jngohkai pyrthei ha shnong Kongthong, Mawlyngot bad Kudengrim.
