Jowai, K’Lyngkot:
Ka District Commerce & Industries, West Jaiñtia Hills District ha ka 15 tarik Kyllalyngkot ka la sdang ïa ka jinghikai kaba tip kum ka Skill Development Programme (SDP) for Pottery ha shnong Larnai.
Ïa kane ka jinghikai la plie da u Deputy Commissioner ka West Jaiñtia u Bah BS Sohliya kum u kongsan ha ka jingdonlang u Bah ML Wanshnong, Joint Director, Commerce and Industries Department kum u symbud kongsan.
Kane ka jinghikai ka long shibynta na ka skhim ‘Studies for Promotion & Strengthening of Black Pottery at Tyrshang and Larnai’ kaba la sdang ha ka 15 tarik bad pynkut ha ka 28 tarik Kyllalyngkot na bynta ki 76 ngut ki nongthaw khiew ka shnong Larnai.
Ka Institute of Mahatma Gandhi Institute for Rural Industrialization (MGIRI), Wardha hapoh ka Ministry of MSME GOI ka la pynlong ïa ka jingwad bniah hapoh ka jingïalam u Dr. K Venkata Rao, Deputy Director, Rural Craft and Engineering.
Kane ka skhim la ai jingïarap da ka Commerce and Industries Department ka sorkar jylla.
Nalor u kongsan bad symbud kongsan, ha kane ka sngi la donlang ruh u Dr. K Venkata Rao, Deputy Director MGIRI, Wardha, u Bah B. Warjri, General Manager DCIC, WJHD, ka Kong SE Kharpran, Functional Manager DCIC, u Bah S Pale, IPO, DCIC, ka Kong E Shylla, Field Coordinator, u Waheh shnong ka Larnai bad kiwei kiwei.
