Shillong, K’Lyngkot 17
Ka Deputy Commissioner ka East Khasi Hills District ka Kong RM Kurbah ha ka Sngi Balang ka la pynmih ïa ka hukum ba la khang pyrshah ban pynher ïa ki kor ring bad shondur kiba na suiñ ïa kiba la tip kum ki ‘Drone’ ha State Convention Centre, Shillong bad ha Headquarter jong u Director General ka Assam Rifles (DGAR), Laitkor.
Ka daw ba ka DC ka la pynmih ïa kane ka hukum ban pynlong ïa kitei ki jaka kum kita ki ‘No Flying Zone’ ka dei namar ka jingwan u Myntri Korbar Ri u Amit Shah sha Meghalaya ha ka Sngi Palei bad Sngi Thohdieng.
U Amit Shah un wan sha Shillong ban pynïaid ïa ka jingïalang jong ka Dorbar North Eastern Council. Nalor u Amit Shah, ki Lat bad ki Myntri Rangbah ki jylla ka thaiñ Shatei Lam Mihngi, Myntri Sorkar Pdeng, bad ki heh ka Sorkar Pdeng bad ki Sorkar Jylla kin wan ban ïashim bynta.
