Shillong, K’Lyngkot 17
U Superintendent of Police ka East Khasi Hills District, u Bah Sylvester Nongtnger ha u kyrwoh khubor ba la pynmih paidbah ha ka Sngi Balang u la pyntip ba kan don biang ka jingpynsangeh ïa ki kali hapoh ka nongbah Shillong namar ka jingwan jong u Myntri ka tnad Korbar Ri, u Amit Shah ha ka Sngi Palei bad Sngi Thohdieng.
Ha kajuh ka por la ong ba yn shah ban ïaid kali tang shiliang lane ‘one way’ ha baroh ki surok ba u Amit Shah u dei ban ïaid lynti.
La kyntu ruh ïa ki paidbah kiba ñiah kali bad ïa ki ar shaka ba kin ym ïaknieh ban ïaid, hynrei ban ïaid ryntih da u laiñ.
U la pyntip ruh ba yn shah tang ïa ki kali kit nongpang bad ki kali kiba donkam kyrkieh ban ïaid.
