Shillong, K’Lyngkot:
U Myntri Rangbahduh, u Narendra Modi un ïakren bad ki nongïoh myntoi na ka Viksit Bharat Sankalp Yatra ha ka 18 tarik u Kyllalyngkot, 2024 ha ka por 12:30 nohphai sngi lyngba ka video conferencing.
Da ki hajar ngut ki nongïoh myntoi na ka Viksit Bharat SankalpYatra kiba na kylleng ka ri kin ïashim bynta ha ka prokram. Yn ïashim bynta lang ruh da ki Myntri Sorkar Pdeng, ki MP, ki MLA bad ki nongmihkhmat na ki jaka bapher bapher.
Naduh ba la sdang ïa ka ha ka 15 tarik u Naiwieng, 2023, u Myntri Rangbahduh, na ka por sha ka por u la ïakren bad ki nongïoh myntoi na ka Viksit Bharat SankalpYatra kiba na kylleng ka ri. Kane ka jingïakren ka la long la san sien mynta lyngba ka video conferencing (30 tarik u Naiwieng, 9 tarik u Nohprah, 16 tarik u Nohprah, 27 tarik u Nohprah bad 8 tarik u Kyllalyngkot, 2024).
Shuh shuh, u Myntri Rangbahduh u la leit ïakren markhmat bad ki nongïoh myntoi na ka Viksit Bharat Sankalp Yatra la arsien mynta (17 bad 18 tarik u Nohprah) haba u la leit sha Varanasi ha une u bnai ba la dep.
Ka Viksit Bharat Sankalp Yatra ka dei kaba dang pynlong ha kylleng ka ri da ka jingthmu ban pynpoi pura ïa ki skhim ba kyrpang jong ka Sorkar da kaba pynthikna ba ki jingmyntoi na kine ki skhim ki poi sha kito kiba dei ban ïoh ïa ki ha ka por kaba biang.
Ka jingïashim bynta ha ka Viksit Bharat Sankalp Yatra ka la tam ïa ka 15 klur. Kane ka pyni ba ka Yatra ka dei kaba jop bad kaba seisoh bha bad ruh kaba pynïatylli ïa ki briew ha baroh kawei ka ri ha kawei ka jingthmu jong ka Viksit Bharat.
