Shillong, K’Lyngkot 18
Ka Sorkar Pdeng ha ka Sngi Palei ka la pynbna ba baroh ki shlem treikam ka Sorkar Pdeng ha ka Ri kin ïoh shuti shiteng sngi ha ka 22 tarik Kyllalyngkot kaba dei ka sngi ban plie ïa ka Ram Mandir ha Ayodhya kaba don ha jylla Uttar Pradesh.
Katkum ka jingpynbna, la ong ba ha ka 22 tarik Kyllalyngkot, baroh ki shlem treikam ka Sorkar Pdeng kin khang ha ka por 2:30 mynsngi.
Ïa kane la leh khnang ban ailad ïa ki nongtrei ka Sorkar Pdeng ban ïashim bynta ha katei ka jingplie ïa ka Ram Mandir.
